Arsenal hefur náð munnlegu samkomulagi við spænska markvörðinn Joan Garcia um að ganga til liðs við félagið.
Garcia er markvörður Espanyol en hann lék 14 leiki með liðinu í næst efstu deild á síðustu leiktíð en liðið tryggði sér sæti í La Liga. Hann var í markinu þegar Eespanyol tapaði 1-0 gegn Valladolid í fyrstu umferð La Liga í gær.
Arsenal vill fá Garcia í sínar raðir ef Aaron Ramsdale yfirgefur félagið áður en félagaskiptaglugginn lokar.
Ramsdale hefur verið orðaður við Ajax og Wolves að undanförnu en hann hefur ekki verið í stóru hlutverki síðan David Raya gekk til liðs við félagið.
Espanyol veit af áhuga Arsenal en ekkert tilboð hefur enn borist frá enska félaginu.
Athugasemdir