Christian Eriksen
Christian Eriksen, leikmaður Manchester United, er falur fyrir fimm milljónir punda, en hollenska félagið Ajax hefur áhuga á því að fá hann aftur til félagsins.
Eriksen, sem er 32 ára gamall, er ekki hluti af áætlunum Erik ten Hag, stjóra United, og er félagið opið fyrir því að selja hann fyrir lok gluggans.
Samkvæmt Athletic er United tilbúið að samþykkja tilboð sem nema um fimm milljónum punda, en hans gamla félag, Ajax, er sagt afar áhugasamt.
í greininni kemur fram að Ajax þurfi fyrst að leysa fjárhagsvandamál félagsins, en það gæti þurft að selja nokkra leikmenn fyrst áður en það fer í það að sækja leikmenn.
Eriksen byrjaði aðeins tólf leiki í ensku úrvalsdeildinni með United á síðustu leiktíð en hann á ár eftir af samningi sínum.
Danski landsliðsmaðurinn hóf meistaraflokksferil sinn hjá Ajax áður en hann var seldur til Tottenham árið 2013. Hann spilaði einnig með Inter og Brentford áður en hann gekk í raðir United árið 2022.
Athugasemdir
