Enski blaðamaðurinn Ben Jacobs segir að Al-Ittihad hafi verulegan áhuga á því að fá senegalska sóknarmanninn Sadio Mané frá keppinautum þeirra í Al-Nassr.
Á dögunum tjáði Karim Benzema, leikmaður Al Ittihad, félaginu að hann vildi fá Mané með sér í sóknarlínuna fyrir komandi tímabil.
Félagið hlustaði á Benzema og hefur nú hafið viðræður við Al Nassr um Mané.
Mané gerði frábærlega á fyrsta tímabili sínu með Al Nassr en hann skoraði 19 mörk og gaf 8 stoðsendingar.
Þetta yrðu sérstaklega mikil vonbrigði fyrir Cristiano Ronaldo, sem náði mjög vel saman með Mané í fremstu víglínu.
Athugasemdir