Wolves er í viðræðum við Burnley um kaup á írska varnarmanninum Dara O'Shea.
Gary O'Neil, stjóri Wolves, er með það í forgangi að fá inn miðvörð áður en glugginn lokar en Wolves missti Max Kilman til West Ham United fyrr í glugganum.
Samkvæmt Sky Sports hefur Wolves hafið viðræður við B-deildarfélagið Burnley um hinn 25 ára gamla O'Shea.
Brentford hefur einnig átt í viðræðum við Burnley um varnarmanninn, en félagið er einnig að skoða aðra möguleika í stöðuna.
Írski landsliðsmaðurinn kom til Burnley frá WBA á síðasta ári en félagið greiddi þá um 7 milljónir punda fyrir leikmanninn.
Athugasemdir