Franska stórveldið Paris Saint-Germain er að nálgast samkomulag við Benfica um kaup á miðjumanninum unga Joao Neves.
Neves þykir einn af allra efnilegustu miðjumönnum Evrópu og er byrjaður að spila fyrir ógnarsterkt landslið Portúgala, auk þess að vera lykilmaður í sterku liði Benfica.
Neves er aðeins 19 ára gamall og leikur sem varnarsinnaður miðjumaður.
PSG mun þurfa að borga um 70 milljónir evra fyrir Neves og senda leikmann eða leikmenn yfir í skiptum. Renato Sánches er líklegur til að fara til Benfica í skiptum, ásamt fleirum.
Athugasemdir