Kólumbíski framherjinn Jhon Durán er að ganga til liðs við West Ham United á næstu dögum. Hamrarnir eru staðráðir í að landa honum og hafa uppfært kauptilboðið sitt í leikmanninn.
West Ham bauð upprunalega 30 milljónir punda og táninginn efnilega Lewis Orford í skiptum fyrir Durán, en hefur núna hækkað tilboðið um tvær milljónir.
Nýtt tilboð hljóðar því upp á 32 milljónir auk Orford, en ekki er tekið fram hvort endursöluákvæði fylgi.
Búist er við að Aston Villa samþykki þetta tilboð þar sem félagið metur Durán á 40 milljónir punda. Stóra spurningin er hversu mikið Orford, sem er 18 ára og á landsleiki fyrir U16 og U18 landslið Englands, er metinn á.
25.07.2024 14:09
Jhon Duran á leið til West Ham - Villa fær leikmann og pening
Athugasemdir