Liam Rosenior hefur verið ráðinn sem aðalþjálfari franska félagsins Strasbourg, sem er í eigu sömu aðila og eiga Chelsea.
Rosenior er 40 ára gamall og var rekinn frá Hull City í maí. Hann tekur við af Patrick Vieira sem endaði í 13. sæti frönsku deildarinnar á síðustu leiktíð með Strasbourg.
Rosenior náði sjöunda sæti Championship deildarinnar með Hull en markmið félagsins var að ná umspilssæti og því var hann rekinn.
„Ég er mjög ánægður með þetta tækifæri að taka við frábæru félagi með mikla sögu. Ég get ekki beðið eftir að hefja störf," sagði Rosenior meðal annars.
Rosenior lék í ensku úrvalsdeildinni með Fulham, Reading, Hull og Brighton á ferli sínum sem atvinnumaður í fótbolta.
?? Liam Rosenior is the new coach of Racing!
— Racing Club de Strasbourg Alsace English (@RCSA_English) July 25, 2024
Racing Club de Strasbourg Alsace is happy to announce the arrival of Liam Rosenior as head of the first team! pic.twitter.com/Sn5e1wWrKF
Athugasemdir