Liverpool lagði Real Betis að velli í æfingaleik í Pittsburgh í Bandaríkjunum í gærkvöldi.
Margir sterkir leikmenn Liverpool eru enn í sumarfríi en leikmenn á borð við Mohamed Salah, Dominik Szoboszlai, Harvey Elliott og Curtis Jones voru í byrjunarliðinu í gær. Adrian fyrrum markvörður Liverpool gekk til liðs við Betis í sumar en hann var í byrjunarliði spænska liðsins.
Salah og Szoboszlai sáu til þess að Liverpool fór með sigur af hólmi en Salah lagði upp eina mark leiksins á Szoboszlai eftir rúmlega klukkutíma leik.
Stuttu áður hafði Jones þurft að fara af velli vegna meiðsla.
Liverpool byrjar stjóratíð Arne Slot með sigri en næsti leikur liðsins er gegn Arsenal á miðvikudagskvöldið en leikurinn fer fram í Philadelphia.
Athugasemdir