Atalanta hefur ekki gefist upp í viðræðum við Celtic en skoska félagið hefur hafnað þriðja tilboði ítalska félagsins í danska miðjumanninn Matt O'Riley.
Celtic hafnaði rúmlega 14 milljón punda tilboði Atalanta í leikmanninn á dögunum og Sky Sports greindi frá því í gær að þriðja tilboðinu hafi verið hafnað.
Það tilboð hljóðaði upp á 15 milljónir punda auk þess sem einhverjar aukagreiðslur voru innifaldar.
O'Riley átti frábært tímabil með Celtic á síðustu leiktíð en hann skoraði 19 og lagði upp 18 í 49 leikjum. Hann var fyrirliði Celtic þegar liðið vann 4-0 sigur á DC United um síðustu helgi.
Juventus, Atletico Madrid og Roma eru einnig sögð hafa áhuga á honum.
Athugasemdir