Spænski miðvörðurinn Robin Le Normand er á leið til Atlético Madríd frá Real Sociedad en þetta staðfestir Atlético á heimasíðu sinni í dag.
Le Normand, sem er 27 ára gamall, hefur verið einn af bestu varnarmönnum La Liga-deildarinnar síðustu fimm ár.
Varnarmaðurinn er fæddur og uppalinn í Frakklandi en samdi við Sociedad árið 2016.
Hann valdi það að spila fyrir spænska landsliðið eftir að hafa búið á Spáni í sjö ár. Le Normand spilaði sinn fyrsta A-landsleik á síðasta ári og fór síðan með Spánverjum á EM í sumar.
Þar spilaði hann lykilhlutverk er Spánn varð Evrópumeistari.
Atlético hefur nú náð samkomulagi við Sociedad um kaup á Le Normand en félagið staðfestir þetta á heimasíðu sinni. Gengið verður frá helstu smáatriðum þegar Le Normand snýr aftur úr fríi.
Athugasemdir