Nico Williams, sóknarmaður Athletic Bilbao, hefur verið sterklega orðaður við Barcelona að undanförnu.
Spænskir fjölmiðlar greindu frá því á dögunum að Deco hafi náð samkomulagi við Felix Tainta, umboðsmann Williams en leikmaðurinn átti aðeins eftir að samþykkja skiptin.
Eftir það hefði Barcelona þurft að virkja 58 milljón evra riftinarákvæði í samningi Williams við Athletic.
Mundo Deportivo greinir hins vegar frá því að ekkert samkomulag sé í höfn. Heimildarmaður Mundo Deportivo sagði að ef svo væri hefði Barcelona byrjað á því að virkja riftunarákvæðið.
Williams fór hamförum með spænska landsliðinu sem varð Evrópumeistari á EM í Þýskalandi en hann og Lamine Yamal, ungstirni Barcleona, unnu gríðarlega vel saman á sitthvorum kantinum.
Athugasemdir
