Erling Haaland er úthvíldur eftir sumarið fyrir átökin með Manchester City á komandi tímabili.
Haaland hefur spilað í kringum 50 leiki á undanförnum tveimur tímabilum með City en álagið hefur ekki verið jafn mikið á honum eins og mörgum í sumar vegna EM.
„Maður sá hvað menn voru orðnir þreyttir á EM. Maður sá það í augunum á þeim hversu þreyttir þeir voru á fótbolta, ef það er hægt að orða það svoleiðis," sagði Haaland.
„Það mun vera þannig á þessari leiktíð. Sumir fá ekki mikið frí, þannig er þetta bara orðið. Við getum ekki verið í toppformi í 70 leikjum á ári. Maður verður að vinna með liðinu og öðrum í kringum þig til að verða besta útgáfan af sjálfum þér."
Athugasemdir
