Arsenal hefur sett sig í samband við Bournemouth en félagið hefur áhuga á brasilíska markverðinum Neto.
Þessi 35 ára gamli markvörður hefur spilað 61 leik síðustu tvö tímabil í úrvalsdeildinni síðan hann gekk til liðs við félagið frá Barcelona. Þá hefur hann spilað alla þrjá leiki liðsins til þessa í ár.
Arsenal er í leit að markverði þar sem Aaron Ramsdale er á förum til Southampton.
Lundúnarfélagið hefur einnig verið í viðræðum við Espanyol um Joan Garcia svo tveir markmenn gætu gengið til liðs við félagið á lokadegi félagaskiptagluggans á morgun en það er þó líklegast að Neto fari til félagsins.
Kepa Arrizabalaga gekk til liðs við Bournemouth á láni frá Chelsea í dag.
Athugasemdir
