Juventus hefur dregið sig úr baráttunni um Jadon Sancho leikmann Manchester United.
Gianluca Di Marzio hjá Sky Sports á ítalíu greinir frá þessu en hann sagði frá því í gær að ítalska félagið ætlaði að setja allt púður í að fá Sancho eftir að Federico Chiesa gekk til liðs við Liverpool.
Hann segir að Juventus hafi tekið þessa ákvörðun þar sem hinn tvítugi Samuel Mbangula muni ekki fá jafnmörg tækifæri í samkeppni við Sancho en Mbangula hefur þegar skorað eitt mark í fyrstu tveimur leikjum Juventus á tímabilinu.
Sancho hefur verið orðaður við Chelsea undanfarið en hann hefur ekki verið í leikmannahópi United í fyrstu tveimur leikjum liðsins í úrvalsdeildinni.
Athugasemdir
