Skoski varnarmaðurinn Marc McAusland er í viðræðum við Grindavík um að ganga til liðs við félagið.
Gunnar Már Gunnarsson, formaður Grindavíkur staðfesti að viðræður við leikmanninn hafi átt sér stað í samtali við Fótbolta.net í dag og sagði að það kæmi í ljós á allra næstu dögum hvort að úr félagsskiptunum yrði.
Gunnar Már Gunnarsson, formaður Grindavíkur staðfesti að viðræður við leikmanninn hafi átt sér stað í samtali við Fótbolta.net í dag og sagði að það kæmi í ljós á allra næstu dögum hvort að úr félagsskiptunum yrði.
Marc McAusland hefur leikið með Keflavík á síðastliðnum árum og verið fyrirliði liðsins.
„Ég fór á fund með félaginu (Keflavík) og við komumst að samkomulagi um að finna félag í Pepsi-deildinni til að taka við samningi mínum," sagði McAusland við Fótbolta.net fyrr í vetur.
McAusland sem kom til Íslands fyrir sumarið 2016 spilaði 19 leiki í Pepsi-deildinni síðasta sumar.
Keflavík féll úr Pepsi-deildinni á liðnu sumri en nokkrir leikmenn eru á förum, eins og mögulega McAusland. Dönsku sóknarmennirnir Jeppe Hansen og Lasse Rise eru að fara og þá er Juraj Grizelj farinn. Marko Nikolic verður ólíklega áfram.
Athugasemdir