Jimmy Thelin.
Sænski þjálfarinn Jimmy Thelin hefur farið ótrúlega af stað með Aberdeen í Skotlandi.
Thelin tók við Aberdeen í apríl síðastliðnum eftir að hafa gert virkilega góða hluti með Elfsborg í Svíþjóð. Þar var hann þjálfari Íslendinga eins og Andra Fannars Baldurssonar, Eggerts Arons Guðmundssonar, Hákonar Rafns Valdimarssonar og Sveins Arons Guðjohnsen.
Thelin tók við Aberdeen í apríl síðastliðnum eftir að hafa gert virkilega góða hluti með Elfsborg í Svíþjóð. Þar var hann þjálfari Íslendinga eins og Andra Fannars Baldurssonar, Eggerts Arons Guðmundssonar, Hákonar Rafns Valdimarssonar og Sveins Arons Guðjohnsen.
Hann gaf Hákoni stórt tækifæri og núna er landsliðsmarkvörðurinn íslenski á mála hjá Brentford í ensku úrvalsdeildinni.
Thelin hefur unnið fyrstu 13 leiki sína við stjórnvölinn hjá Aberdeen og það er sögulegt. Þetta er besta byrjun hjá þjálfara í sögu skoska fótboltans. Fyrra metið setti Martin O'Neill með Celtic þegar hann vann fyrstu tólf leiki sína.
Aberdeen er eina liðið í 50 bestu deildum Evrópu sem er með 100 prósent sigurhlutfall í öllum keppnum á þessu tímabili.
Athugasemdir
