Dönsku miðlarnir Bold og Tipsbladet fjalla um það í dag að danska félagið Lyngby sé búið að samþykkja tilboð í íslenska landsliðsmanninn Kolbein Birgi Finnsson.
Hollenska úrvalsdeildarfélagið Utrecht og Holstein Kiel í þýsku Bundesliga buðu í Kolbein. Bæði tilboð hljóðuðu upp á 500 þúsund evrur og niðurstaðan sú að Kolbeinn valdi Utrecht. Hann yfirgefur Lyngby í dag.
Hollenska úrvalsdeildarfélagið Utrecht og Holstein Kiel í þýsku Bundesliga buðu í Kolbein. Bæði tilboð hljóðuðu upp á 500 þúsund evrur og niðurstaðan sú að Kolbeinn valdi Utrecht. Hann yfirgefur Lyngby í dag.
Kolbeinn kom til Lyngby í janúar í fyrra frá Dortmund á frjálsri sölu og er samningsbundinn fram á næsta sumar. Hann lék 53 leiki með liðinu, skoraði þrjú mörk og lagði upp sjö. Hann spilaði langoftast sem vinstri vængbakvörður.
Tipsbladet segir að Kolbeinn skrifi undir þriggja ára samning í Hollandi.
Kolbeinn þekkir vel til í Hollandi því hann var á mála hjá Groningen á árunum 2016-2018. Hann er uppalinn hjá Fylki og hefur einnig leikið með varaliði Brentford á sínum ferli.
Athugasemdir