Gylfi Þór Sigurðsson.
Arnar Gunnlaugsson, þjálfari Víkinga, segir félagið ekki hafa gert tilraun til að fá Gylfa Þór Sigurðsson áður en félagaskiptaglugganum var skellt í lás í síðustu viku.
Það hefur verið kjaftasaga um það að Gylfi sé ósáttur hjá Val og hafi viljað rifta samningi sínum við félagið. Börkur Edvardsson, formaður knattspyrnudeildar Vals, þvertók hins vegar fyrir það í viðtali við 433.is.
Það hefur verið kjaftasaga um það að Gylfi sé ósáttur hjá Val og hafi viljað rifta samningi sínum við félagið. Börkur Edvardsson, formaður knattspyrnudeildar Vals, þvertók hins vegar fyrir það í viðtali við 433.is.
Víkingur hafði áhuga á Gylfa fyrir tímabilið en hann valdi þá að fara á Hlíðarenda. Arnar var spurður að því í dag hvort Víkingar hefðu gert tilraun til að fá Gylfa áður en glugginn lokaði í síðustu viku.
„Nei, ekki neitt. Við höfðum aldrei samband við Val varðandi Gylfa," sagði Arnar.
„Þetta eru góðar sögusagnir. Hefðum við viljað fá hann? Alveg klárlega, engin spurning. En ég hefði líka alveg viljað fá Vinicius Junior. Það gekk ekki heldur eftir. Þetta eru skemmtilegar sögur en það er ekkert til í þeim."
Gylfi, sem er markahæsti leikmaður í sögu íslenska landsliðsins, samdi við Val í mars og gerði þá tveggja ára samning við félagið.
Athugasemdir
