Sonja Björg er stæðilegur framherji.
Sonja Björg Sigurðardóttir átti frábæran leik í liði Þór/KA þegar Norðankonur lögðu Víking í Bestu deild kvenna í gær.
Sonja er fædd árið 2006 en hún steig sín fyrstu skref í meistaraflokki með Þór/KA og Völsungi árið 2022. Hún skoraði sitt annað mark á tímabilinu í gær en Jóhann Kristinn Gunnarsson, þjálfari Þór/KA, hrósaði henni í hástert eftir leikinn.
Sonja er fædd árið 2006 en hún steig sín fyrstu skref í meistaraflokki með Þór/KA og Völsungi árið 2022. Hún skoraði sitt annað mark á tímabilinu í gær en Jóhann Kristinn Gunnarsson, þjálfari Þór/KA, hrósaði henni í hástert eftir leikinn.
Lestu um leikinn: Þór/KA 4 - 1 Víkingur R.
„Sonja Björg getur gert það sem hún vill og getur orðið besti framherjinn í þessari deild, það er engin spurning. Framfarirnar hjá henni eru eftirtektaverðar,"
„Hún er búin að leggja gríðarlega mikið á sig til að komast þangað sem hún er. Hún kemst miklu lengra, þakið er hátt á henni."
Sandra María Jessen, fyrirliði Þór/KA, hrósaði liðsfélaga sínum einnig.
„Hún er rosalega kraftmikill og góður leikmaður, erfitt að eiga við hana, með gríðarlegan líkamsstyrk og getur haldið leikmönnum frá sér. Hún er góð í að batta niður. Hún er efnilegur leikmaður sem verður gaman að fylgjast með á næstu árum og gott að hafa hana í okkar röðum."
Athugasemdir
