Chopart fylgdi Rúnari Kristinssyni til Fram frá KR eftir síðustu leiktíð og hefur spilað gríðarlega mikilvægt hlutverk hjá þeim bláklæddu á þessari leiktíð.

Í sumar hefur hann spilað þrettán leiki í Bestu deildinni og skorað þrjú mörk.

Daninn hefur verið leiðtogi innan sem utan vallar hjá Fram og verður það áfram, en hann hefur framlengt við félagið næstu tvö tímabil eða til 2026.

Framarar eru í baráttu um að komast í meistarariðil Bestu deildarinnar en liðið er í 6. sæti með 26 stig þegar þrjár umferðir eru eftir.