Borussia M. 2 - 3 Bayer
0-1 Granit Xhaka ('12 )
0-2 Florian Wirtz ('38 )
1-2 Nico Elvedi ('59 )
2-2 Tim Kleindienst ('85 )
2-3 Florian Wirtz ('90 )
2-3 Florian Wirtz ('90 , Misnotað víti)
0-1 Granit Xhaka ('12 )
0-2 Florian Wirtz ('38 )
1-2 Nico Elvedi ('59 )
2-2 Tim Kleindienst ('85 )
2-3 Florian Wirtz ('90 )
2-3 Florian Wirtz ('90 , Misnotað víti)
Þýskalandsmeistarar Bayer Leverkusen hófu titilvörn sína á dramatískum 3-2 sigri á Borussia Mönchengladbach í þýsku deildinni í kvöld.
Leverkusen rúllaði upp deildinni á síðasta tímabili er félagið vann sinn fyrsta deildarititl í sögunni. Xabi Alonso, þjálfari liðsins, hefur haldið flest öllum frá síðustu leiktíð og tekist að bæta öflugum leikmönnum við hópinn.
Liðið hóf leik í kvöld og komst í 2-0 forystu. Granit Xhaka skoraði gersamlega sturluðu þrumuskoti fyrir utan teig og í samskeytin vinstra megin. Tilnefning sem flottasta mark mánaðarins og aðeins tólf mínútur búnar af tímabilinu.
Florian Wirtz tvöfaldaði forystuna á 38. mínútu. Xhaka fann Jeremie Frimpong hægra megin sem fékk dágóðan tíma til að leika að teignum áður en hann kom boltanum fyrir. Boltinn skoppaði á milli manna áður en WIrtz mætti og hamraði honum í netið.
Varnarmaðurinn Nico Elvedi minnkaði muninn á 59. mínútu með skoti af stuttu færi. Heimamenn tóku aukaspyrnu inn í teiginn sem var skölluð fyrir markið og til Elvedi. Hann átti skalla sem Lukas Hradecky varði aftur út á Elvedi sem lagði boltann í netið í annarri tilraun sinni.
Jöfnunarmark Gladbach kom fimm mínútum fyrir lok venjulegs leiktíma. Varnarmenn Leverkusen voru sofandi á verðinum. Kevin Stoger fékk boltann við teiginn eftir skyndisókn, átti lausa sendingu inn á Tim Kleindienst sem kom boltanum í netið.
Tíu mínútum var bætt við venjulegan leiktíma og var það aðallega út af töf á byrjun síðari hálfleiksins vegna reyksprengju sem fyllti stúkuna og völlinn af reyk. Leverkusen reyndi að nýta uppbótartímann til að skora sigurmark og fékk liðið fullkomið tækifæri til þess á lokamínútu uppbótartímans.
Leverkusen fékk vítaspyrnu er brotið var á Amine Adli í teignum og var það Wirtz sem steig á punktinn. Jonas Omlin varði ágætt víti Wirtz, en boltinn datt aftur út í teiginn á þýska landsliðsmanninn sem skoraði af öryggi.
Ef það er eitt sem Leverkusen kann þá er það að stela sigrum í uppbótartíma. Svekkjandi hins vegar fyrir Gladbach sem var grátlega nálægt því að sækja stig.
Athugasemdir