Enski landsliðsbakvörðurinn fyrrverandi Ashley Cole hefur tekið við starfi í þjálfarateymi enska landsliðsins, sem hann mun sinna samhliða starfi sínu hjá Birmingham City.
Cole er í þjálfarateyminu hjá Birmingham, þar sem hann þjálfar meðal annars WIllum Þór Willumsson og Alfons Sampsted sem gengu til liðs við félagið í sumar.
Cole er 43 ára gamall og spilaði 107 landsleiki fyrir England á ferlinum. Hann var talinn til allra bestu bakvarða í heimi á sínum tíma þar sem hann var lykilmaður hjá Arsenal áður en hann var seldur yfir til fjandliðsins Chelsea.
Enska fótboltasambandið er þessa dagana í leit að þjálfara eftir að Gareth Southgate ákvað að hætta með landsliðið eftir tap í úrslitaleik EM í sumar.
Lee Carsley er bráðabrigðaþjálfari þar til arftaki Southgate finnst.
The Club can confirm that First Team Coach, Ashley Cole, will take on a new role alongside his Club duties.
— Birmingham City FC (@BCFC) August 23, 2024
The 43-year-old has assumed a position in support of the England Men’s National Team, working alongside current Interim Manager, Lee Carsley.
Athugasemdir