Jóhann Berg Guðmundsson var á dögunum fenginn í sádi-arabíska boltann þar sem hann fékk tilboð sem hann gat ekki hafnað frá Al-Orobah, sem eru nýliðar í efstu deild.
Al-Orobah er meðal annars búið að krækja í Jean-Michaël Seri og Emmanuel Boateng í sumar en stjórnarmaður félagsins segir að næsti maður inn sé stórstjarna á heimsmælikvarða.
„Næsti leikmaður sem kemur til félagsins verður þriðja stærsta nafnið í sádi-arabísku deildinni eftir Cristiano Ronaldo og Neymar," segir Mons Al-Shammeri.
„Leikmaðurinn er í læknisskoðun og verður tilkynntur á næstu dögum."
Slúðrað hefur verið um að umræddur leikmaður sé Sergio Ramos, fyrrum fyrirliði Real Madrid.
Athugasemdir
