Ísraelski landsliðsmaðurinn Manor Solomon er við það að ganga í raðir Leeds United á láni frá Tottenham Hotspur.
Solomon er 25 ára gamall sóknarsinnaður leikmaður sem kom til Tottenham á frjálsri sölu frá Fulham á síðasta ári.
Hann kom að tveimur mörkum í fimm leikjum sínum í ensku úrvalsdeildinni með Tottenham, en meiddist illa á hné og missti þar af leiðandi af stærstum hluta tímabilsins.
Samkvæmt blaðamanninum Paul O'Keefe mun Solomon leika með Leeds á tímabilinu, en hann er á leið til félagsins á láni.
Solomon ferðast til Leeds í dag til að gangast undir læknisskoðun, en hann kemur til með að styrkja hópinn gríðarlega.
Leeds er með fimm stig eftir þrjá leiki í ensku B-deildinni.
Athugasemdir