Danski landsliðsmaðurinn Matt O'Riley er á leið til Brighton frá skosku meisturunum í Celtic. Sky Sports greinir frá.
Brighton hefur átt í viðræðum við Celtic síðustu daga um O'Riley en hann kemur til með að fylla skarð Billy Gilmour sem er á leið til Napoli á Ítalíu.
O'Riley er 23 ára gamall miðjumaður sem hefur einnig spilað fyrir Fulham og MK Dons.
Sky segir að Brighton hafi í gær náð samkomulagi við Celtic um kaupverð en félagið greiðir 30 milljónir punda sem verður stærsta sala í sögu skoska fótboltans.
O'Riley mun skrifa undir fimm ára samning við Brighton.
Athugasemdir
