Einvígi Stjörnunnar og Paide frá Eistlandi í 2. umferð forkeppninnar í Sambandsdeildinni er hálfnað. Stjarnan leiðir 2-1 eftir fyrri leikinn sem fram fór á Samsungvellinum í gær.
En þrátt fyrir sigurinn voru Stjörnumenn ansi svekktir að forystan sé ekki meiri. Mark var dæmt af Stjörnunni í leiknum og gerðu heimamenn einnig sterkt tilkall til vítaspyrnu í leiknum.
En þrátt fyrir sigurinn voru Stjörnumenn ansi svekktir að forystan sé ekki meiri. Mark var dæmt af Stjörnunni í leiknum og gerðu heimamenn einnig sterkt tilkall til vítaspyrnu í leiknum.
Lestu um leikinn: Stjarnan 2 - 1 Paide
Í viðtali eftir leik var Jökull Elísabetarson, þjálfari Stjörnunnar, spurður út í þá staðreynd að Paide spilar ekki leik heima fyrir á milli leikjanna við Stjörnuna. Stjarnan hins vegar mætir ÍA á útivelli á sunnudag.
„Við förum 'all-in' í leikinn á móti ÍA, tökum rólegan dag á morgun (í dag), reynum að jafna okkur; menn fara í nudd og ná sér aðeins niður. Svo undirbúum við okkur á laugardaginn, gerum okkur klára í leik."
„Það gæti alveg haft áhrif (að þeir fá frí). Það væri óskandi ef við fengjum frí á milli. Við fundum það síðast (í útileiknum gegn Linfield í 1. umferð), þó að leikplanið hafi kannski ekki gengið upp þá vorum við orkumiklir og ferskir. Það hjálpaði. Þetta getur alveg skipt einhverju, en það þýðir ekkert að pæla í því. Það þarf bara að grafa dýpra," sagði Jökull.
Stjarnan mætir ÍA klukkan 1/:00 á sunnudaginn, spilað á ELKEM vellinum á Akranesi. Liðið mætir svo Paide á Pärnu Rannastaddion klukkan 16:30 á fimmtudag.
Athugasemdir