Sönderjyske fékk Lyngby í heimsókn í Íslendingaslag í dönsku deildinni í dag.
Kolbeinn Finnsson lék allan leikinn fyrir Lyngby en Sævar Atli Magnússon kom ekkert við sögu í seinni hálfleik eftir að hafa fengið smá högg í þeim fyrri.
Atli Barkarson lék allan leikinn fyrir Sönderjyske en Daníel Leó Grétarsson var tekinn af veli eftir rúmlega klukkutíma leik og Kristall máni Ingason var tekinn af velli undir lok leiksins.
Leiknum lauk með 1-1 jafntefli. Þetta var fyrsta stig beggja liða í deildinni en þetta var fyrsti leikurinn í 2. umferð.
Ari Leifsson var í byrjunarliði Kolding sem gerði markalaust jafntefli gegn Hvidovre í næst efstu deild í Danmörku. Kolding er með tvö stig í 7. sæti eftir tvær umferðir.
Athugasemdir