Suður-kóreski kantmaðurinn Yang Min-hyuk mun ganga til liðs við Tottenham eftir áramót samkvæmt heimildum Fabrizio Romano.
Tottenham er að ganga frá kaupum á leikmanninum frá Gangwon FC í heimalandinu.
Yang er 18 ára gamall og getur leikið á báðum köntum. Hann er kominn með 7 mörk og 3 stoðsendingar í 24 deildarleikjum á kóreska fótboltatímabilinu.
Yang fer í læknisskoðun á næstu dögum en búist er við að hann verði áfram hjá Gangwon þar til eftir áramót.
Yang er lykilmaður í U17 landsliði Suður-Kóreu og hefur í heildina spilað 21 unglingalandsleik þrátt fyrir ungan aldur.
Sóknarleikmaðurinn Son Heung-min, samlandi Yang, er fyrirliði Tottenham.
24.07.2024 16:14
Tottenham að fá kóreskan táning
Athugasemdir