Fótbolti.net

Tómas Bent: Hefði átt að troða inn þriðja markinu

Túfa ánægður eftir sannfærandi Evrópusigur: Það er gaman að vera Valsari

Eru 22 saman í Sviss - „Áfram Vestri og áfram Guðrún"

„Hætt að borða nammi í Tenerife ferðinni þegar hún var tíu ára"

GunnInga í bláa hafinu: Styðjum liðið okkar í blíðu og stríðu

„Eru geggjaðir karakterar og munu bíta fast frá sér“

Tólfan spáir sigri - „Hef bara séð eina Noregstreyju“

Fékk leyfi til að fljúga beint frá Albaníu til Sviss

Einar Guðna þurfti ekki að hugsa málið - „Algjört draumastarf"

Halli: Er ekkert í þessu til að hefna fyrir eitt né neitt

Halli Hróðmars: Orðið ansi þungt leik eftir leik

Úlfur Ágúst: Ég reyndi og sem betur fer fór hann inn

Jökull: Við vorum líklegri og sköpuðum betri færi

Heimir Guðjóns: Vítið sem Stjarnan fékk var rangur dómur

„Ekki búin að því og ég veit ekki hvort maður muni gera það"

Svaf ekki mikið - „Þurfum að nota þetta sem spark í rassinn"

Sár, svekkt og leið - „Ég er ekki sú ferskasta núna"

„Þetta er ekki upplifun sem ég hef fengið áður"

Steini: Ég er með samning áfram

Guðrún: Mikið af knúsum og ekki mikið af orðum

fös 01. júní 2018 17:30

Magnús Már Einarsson

Brede Hangeland: Mikil virðing borin fyrir Íslandi í Noregi

Brede Hangeland í leik á Laugardalsvelli árið 2012.

Mynd: Fótbolti.net - Hafliði Breiðfjörð

Gylfi Þór Sigurðsson og Hangeland í baráttunni.

Mynd: Fótbolti.net - Hafliði Breiðfjörð

Brede Hangeland, fyrrum varnarmaður Fulham og norska landsliðsins, lýsir leik Íslands og Noregs í norska sjónvarpinu annað kvöld. Hinn 36 ára gamli Hangeland lagði skóna á hilluna árið 2016 og hefur síðan þá starfað við lýsingar í Noregi fyrir TV2.

„Það eru tvö mjög svipuð lið að mætast á morgun. Lars Lagerback er með sinn stimpil á báðum liðum og þau spila á svipaðan hátt. Ísland er á leið á HM en Noregur ekki en vegna meiðsla (Arons Einars Gunnarssonar og Gylfa Þór Sigurðsson) held ég að liðin séu svipuð að styrkleika. Ég býst við jöfnum baráttuleik sem verður skemmtilegt að horfa á," sagði Hangeland þegar hann settist niður í spjall með Fótbolta.net á Grand Hotel í dag.

„Ég er mjög hrifinn af því sem hefur gerst hér (á Íslandi) undanfarin ár. Þetta er lið þar sem allir leggja hart að sér fyrir liðið en ekki sjálfan sig. Það er rétta leiðin til að spila fótbolta. Ísland er alls ekki sigustranglegasta liðið á HM en með þetta hugarfar og þennan leikstíl er hægt að vinna sterkari lið eins og þeir sýndu fyrir tveimur árum. Það verður spennandi að sjá þetta."

Ísland er í D-riðli á HM í sumar með Argentínu, Nígeríu og Króatíu. Heldur Hangeland að Ísland fari áfram í 16-liða úrslitin?

„Ég held ekki en ég bjóst heldur ekki við því í Frakklandi. Þetta veltur mikið á því hvort Gylfi Sigurðsson verði heill, hann er mikilvægur leikmaður. Ísland þarf að spila sinn besta leik og hafa smá heppni með sér í liði. Þá veit maður aldrei."

Hangeland mætti íslenska liðinu í undankeppni HM 2010 og EM 2012. Hver er hans uppáhalds leikmaður í liðinu?

„Það hlýtur að vera Sigurðsson, er það ekki? Ég hef spilað oft gegn honum og hann er öflugur leikmaður. Hann er stjarnan en hann hleypur til baka og leggur hart að sér. Hann er ósérhlífinn. Allir íslenskir leikmenn eru þannig og í Noregi er borin mikil virðing fyrir liðinu hjá Íslandi og leikmönnunum. Vonandi getum við gert eitthvað svipað með landsliðið okkar," sagði hinn geðþekki Hangeland.

Ísland og Noregur mætast á Laugardalsvelli klukkan 20:00 annað kvöld en miðasalan fer fram á midi.is.

Hér að ofan má sjá viðtalið í heild sinni.