Berge til Fulham (Staðfest) - „Han er her!“

Norski miðjumaðurinn Sander Berge hefur gengið í raðir Fulham frá Burnley fyrir 25 milljónir punda. Hann skrifaði undir fimm ára samning, með möguleika á ári til viðbótar.

Berge er 26 ára og gekk í raðir Burnley frá Sheffield United á síðasta ári. Hann var valinn leikmaður ársins hjá Burnley en liðið féll niður í Championship-deildina.

„Tilfinningin er frábær. Þetta hefur fram og til baka síðustu vikur en loksins sit ég hér í treyjunni á þessum fallega leikvangi. Nú veit ég að framtíð mín er hér og það er góð tilfinning," segir Berge.

Hann er fjórði leikmaðurinn sem Fulham fær í glugganum en áður höfðu Emile Smith Rowe, Jorge Cuenca og Ryan Sessegnon gengið í raðir félagsins.