Valgeir Lunddal Friðriksson var í byrjunarliði sænska liðsins Hacken sem tapaði gegn þýska liðinu Heidenheim í fyrri leik liðanna í undankeppni Sambandsdeildarinnar í kvöld.
Leikurinn fór fram á heimavelli Hacken. Gestirnir komust yfir en heimamenn voru ekki lengi að jafna, það gerði Mikkel Rygaard eftir undirbúning Valgeirs.
Valgeir þurfti hins vegar að fara af velli stuttu síðar en Heidenheim stóð uppi sem sigurvegari að lokum. 2-1 lokatölur.
Orri Steinn Óskarsson lék allan leikinn þegar FC Kaupmannahöfn vann skoska liði Kilmarnock 2-0 á heimavelli. Seinni leikirnir í Sambandsdeildinni fara fram eftir slétta viku.
Eggert Aron Guðmundsson og Andri Fannar Baldursson voru allan tíman á varamannabekknum þegar Elfsborg lagði Molde 1-0 á útivelli í undankeppni Evrópudeildairnnar. Seinni leikurinn fer fram eftir slétta viku, þann 29. ágúst.
