The Guardian greinir frá því að albanski framherjinn Armando Broja mun ekki skipta yfir til Ipswich Town frá Chelsea á lánssamningi eins og búist var við.
Félagaskipti Broja til Ipswich virtust vera frágengin í vikunni en nú hefur verið hætt við. Óljóst er hvaða vandamál kom upp, en ljóst er að Chelsea hefur núna eina viku til að losa sig við Broja og þónokkra aðra leikmenn úr leikmannahópinum.
Hinn 22 ára gamli Broja er með fjögur ár eftir af samningi sínum við Chelsea, en hann hefur skorað 3 mörk í 38 leikjum fyrir félagið.
Hann stóð sig vel á láni hjá Southampton tímabilið 2021-22 en hefur ekki fundið réttan takt síðan þá.
20.08.2024 18:07
Broja á leið til Ipswich á láni
Athugasemdir
