Marokkómaðurinn varð tyrkneskur meistari með Galatasaray á síðustu leiktíð, þá á láni frá Chelsea.

Hann kom að 12 mörkum í 23 leikjum með liðinu. Stjórn félagsins var ánægð með hans framlag á leiktíðinni og valdi það að nýta kaupákvæðið í samning hans.

Félagið greiðir um 2,5 milljónir punda og gerir hann samning út tímabilið.

Jákvæðar fréttir fyrir Chelsea sem getur nú losað Ziyech af launaskrá sinni en hann var með um 120 þúsund pund í vikulaun hjá enska félaginu.