Það eru tveir stórleikir á dagskrá á svokölluðum Ofursunnudegi í ensku úrvalsdeildinni í dag.
Tottenham tekur á móti Aston Villa í fyrri leik dagsins en fimm stig skilja liðin að í Evrópubaráttunni.
Villa er með 18 stig eftir 9 umferðir og er aðeins búið að tapa einum leik í deildinni, á meðan Tottenham er komið með fjögur töp.
Ross Barkley er sá eini sem er á meiðslalistanum hjá Aston Villa á meðan Wilson Odobert og Micky van de Ven eru fjarri vegna meiðsla úr liði heimamanna. Þá eru Cristian Romero, Son Heung-min, Djed Spence og Timo Werner tæpir.
Manchester United tekur á móti Chelsea í seinni leik dagsins og það eru sex stig sem skilja þessi stórveldi að á stöðutöflunni. Rauðu djöflarnir eru óvænt í neðri hluta deildarinnar með 11 stig eftir 9 umferðir og þurfa á sigri að halda. Ruud van Nistelrooy stýrir liðinu í fyrsta sinn í úrvalsdeildinni en Rúben Amorim tekur við sem aðalþjálfari á mánudaginn.
Jadon Sancho mun ekki mæta félögum sínum úr Man Utd vegna veikinda og þá er Omari Kellyman einnig fjarri góðu gamni, en Man Utd er að glíma við talsverð meiðslavandræði.
Leny Yoro er enn meiddur ásamt Harry Maguire, Luke Shaw, Kobbie Mainoo og Antony. Þá eru Tyrell Malacia og Mason Mount tæpir.
Leikir dagsins:
14:00 Tottenham - Aston Villa
16:30 Man Utd - Chelsea
Stöðutaflan
England
Premier league - karlar
England
Premier league - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Liverpool | 14 | 11 | 2 | 1 | 29 | 11 | +18 | 35 |
| 2 | Chelsea | 15 | 9 | 4 | 2 | 35 | 18 | +17 | 31 |
| 3 | Arsenal | 15 | 8 | 5 | 2 | 29 | 15 | +14 | 29 |
| 4 | Man City | 15 | 8 | 3 | 4 | 27 | 21 | +6 | 27 |
| 5 | Nott. Forest | 15 | 7 | 4 | 4 | 19 | 18 | +1 | 25 |
| 6 | Aston Villa | 15 | 7 | 4 | 4 | 23 | 23 | 0 | 25 |
| 7 | Bournemouth | 15 | 7 | 3 | 5 | 23 | 20 | +3 | 24 |
| 8 | Brighton | 15 | 6 | 6 | 3 | 25 | 22 | +3 | 24 |
| 9 | Brentford | 15 | 7 | 2 | 6 | 31 | 28 | +3 | 23 |
| 10 | Fulham | 15 | 6 | 5 | 4 | 22 | 20 | +2 | 23 |
| 11 | Tottenham | 15 | 6 | 2 | 7 | 31 | 19 | +12 | 20 |
| 12 | Newcastle | 15 | 5 | 5 | 5 | 19 | 21 | -2 | 20 |
| 13 | Man Utd | 15 | 5 | 4 | 6 | 19 | 18 | +1 | 19 |
| 14 | West Ham | 15 | 5 | 3 | 7 | 20 | 28 | -8 | 18 |
| 15 | Everton | 14 | 3 | 5 | 6 | 14 | 21 | -7 | 14 |
| 16 | Leicester | 15 | 3 | 5 | 7 | 21 | 30 | -9 | 14 |
| 17 | Crystal Palace | 15 | 2 | 7 | 6 | 14 | 20 | -6 | 13 |
| 18 | Ipswich Town | 15 | 1 | 6 | 8 | 14 | 27 | -13 | 9 |
| 19 | Wolves | 15 | 2 | 3 | 10 | 23 | 38 | -15 | 9 |
| 20 | Southampton | 15 | 1 | 2 | 12 | 11 | 31 | -20 | 5 |
Athugasemdir
