Spænska félagið Deportivo La Coruña er í þjálfaraleit og nafnið Fabio Cannavaro er mjög ofarlega á lista hjá þeim til að taka við af Imanol Idiakez.
Cannavaro hefur átt áhugaverðan þjálfaraferil. Ítalinn hefur þjálfað meðal annars kínverska landsliðið, Al Nassr í Sádí Arabíu, félög í Sádí Arabíu og núna seinast Udinese.
Einnig hefur Cannavaro þjálfað Benevento í heimalandinu. Hann tók þó við Udinese á miðju tímabili á síðustu leiktíð í erfiðri stöðu og hélt liðinu uppi.
Deportivo hefur sett sig í samband við ítölsku goðsögnina en hann er sagður vilja taka við liðinu. Ekkert er þó orðið staðfest en leitin heldur áfram hjá Deportivo.
Athugasemdir
