Heimild: TV 2
Hilmir Rafn Mikaelsson er á leið til Kristiansund í Noregi á láni frá ítalska liðinu Venezia samkvæmt heimildum norsku sjónvarpsstöðvarinnar TV 2.
Þessi tvítugi sóknarmaður var á láni hjá Tromsö í fyrra en Venezia kallaði hann til baka eftir að hann meiddist. Hann lék aðeins þrjá leiki fyrir félagið.
Samkvæmt heimildum TV 2 mun hann fara á láni til Kristiansund sem spilar í efstu deild á næstu leiktíð eftir að hafa unnið í umspili um sæti í deildinni á þeirri síðustu.
Brynjólfur Willumsson leikur með liðinu.
TV 2 reyndi að hafa samband við menn hjá Kristiansund en fékk engin svör.
Hilmir á að baki þrjá landsleiki fyrir u21 árs landslið Íslands.
Athugasemdir
