Varnarmaðurinn ungi Leny Yoro, sem gekk á dögunum í raðir Manchester United, er að fara að flytja inn í einbýlishús Mason Greenwood.
Samkvæmt The Sun mun Yoro leigja húsið á tæplega 2,5 milljónir íslenskra króna á mánuði.
Samkvæmt The Sun mun Yoro leigja húsið á tæplega 2,5 milljónir íslenskra króna á mánuði.
Þetta er reyndar ekkert smá hús. Það er með sex svefnherbergjum og sex salernum. Þar er kvikmyndasalur og bar. Verðmæti þess er talið um 2 milljónir punda.
Greenwood er farinn til Frakklands þar sem hann spilar undir stjórn Roberto De Zerbi hjá Marseille. Greenwood átti ekki afturkvæmt í lið Manchester United eftir að hafa verið ákærður fyrir nauðgun og heimilisofbeldi en málið var látið niður falla í febrúar í fyrra.
Athugasemdir