Jóhannes Karl er 20 ára gamall miðjumaður og kemur frá Víkingi R.

Á síðasta ári spilaði hann 18 leiki fyrir Ægi og Þrótt Vogum, en hann kom til Þróttara í lok gluggans á síðasta ári og kláraði sumarið með liðinu.

Eiður Baldvin er 19 ára gamall sóknarmaður sem kemur á láni frá KR.

Eiður hefur verið að gera góða hluti með KR-ingum á undirbúningstímabilinu en hann kom til félagsins frá Þrótti Reykjavík á síðasta ári. Árið 2022 spilaði hann þrjá leiki fyrir Þrótt R. í Lengjudeildinni.

Báðir leikmenn verða löglegir þegar Þróttur V. mætir KV í Lengjubikarnum 17. febrúar næstkomandi.