Óli Jó var kampakátur eftir frábæra frammistöðu og 4-0 sigur Vals á Grindvíkingum í kvöld.
"Ég er mjög ánægður, þetta var góð frammistaða og fínn fótbolti á köflum, þrjú góð stig, það var það sem við stefndum á."
"Ég er mjög ánægður, þetta var góð frammistaða og fínn fótbolti á köflum, þrjú góð stig, það var það sem við stefndum á."
Lestu um leikinn: Valur 4 - 0 Grindavík
Bjarni Ólafur Eiríksson var ekki með Valsmönnum í kvöld, ástæðan?
"Hann er meiddur".
Pedersen setti þrennu í kvöld og sýndi flotta frammistöðu.
"Patrick er búinn að vera í frosti í smá tíma, þannig að það var frábært að fá hann í gang, vonandi heldur það bara áfram. Hann er toppsenter".
Grindvíkingar réðu lítið við Valsara, sér í lagi í fyrri hálfleik, voru þeir slakari en hann bjóst við?
"Það er þannig í fótbolta að það eru tvö lið, annað liðið hefur boltann og við vitum það alveg...en mér fannst frammistaða Grindvíkinganna í fyrri hálfleik eitt það daprasta sem ég hef séð til þeirra. Ég verð nú bara að segja það!"
Framundan hjá Val er stórt verkefni, hvernig metur Óli stöðu Valsara fyrir seinni leikinn við Sheriff?
"Ég met það bara helmingslíkur. Þegar við drógumst á móti þeim leist mér ekki alltof vel á en eftir að hafa skoðað þá og núna spilað við þá met ég þetta 50 - 50. Ég skora á alla Valsmenn að koma hérna og styðja okkur. Fylla völlinn. Það er mikilvægt fyrir félagið og strákana að komast áfram, við leggjum allt undir á fimmtudaginn!"
Nánar er rætt við Óla í viðtalinu sem fylgir.
Athugasemdir
