Jota og Jones meiddust báðir í sigrinum gegn Brentford um síðustu helgi, og það er alveg ljóst að þeir ná ekki úrslitaleiknum. Jota verður frá í meira en mánuð en það er enn óljóst hversu lengi Jones verður á meiðslalistanum.

Liverpool verður einnig án Trent Alexander-Arnold í úrslitaleiknum og þá eru Dominik Szoboszlai og Alisson mjög tæpir fyrir leikinn.

Thiago Alcantara, Stefan Bajcetic, Joel Matip og Ben Doak eru þá allir að glíma við langtímameiðsli.

Liverpool er í miklum meiðslavandræðum en eru samt sem áður sigurstranglegri aðilinn fyrir úrslitaleikinn.