„Þvílíkur léttir að vera kominn á blað í deildinni og það er fullt af jákvæðum hlutum sem við getum byggt á fyrir framhaldið," sagði Elmar Atli Garðarsson fyrirliði Vestra eftir sigur á KA í dag.
Lestu um leikinn: KA 0 - 1 Vestri
„Við byrjuðum þetta af miklum krafti og mér fannst við ná að halda því út stóran hluta leiks þótt þetta hafi dottið niður örlítið inn á milli. Okkur leið mjög vel varnarlega, þvílíkur bónus að koma marki inn í lokin," sagði Elmar Atli.
Undirbúningur liðsins fyrir mótið var erfiður og Elma Atli er gríðarlega ánægður að fyrsti sigurinn er kominn í hús.
„Eins og fólk veit er þetta búið að vera erfitt fyrir okkur og kemur til með að vera það áfram. Við erum mjög brattir og getum ekki beðið eftir að halda áfram. Við erum mjög meðvitaðir um að við erum eftir liðum í þessari deild. Við vissum alltaf að það myndi koma betri taktur í okkur, mjög gott að það hafi komið í dag," sagði Elmar Atli.