Newcastle er að nálgast samkomulag við Crystal Palace um kaup á enska landsliðsmanninum Marc Guehi. Frá þessu greina enskir fjölmiðlar í dag.
Newcastle er sagt tilbúið að greiða 65 milljónir punda og svo fimm milljónir punda til viðbótar í árangurstengdum greiðslum til að landa miðverðinum.
Newcastle er sagt tilbúið að greiða 65 milljónir punda og svo fimm milljónir punda til viðbótar í árangurstengdum greiðslum til að landa miðverðinum.
Guehi lék 29 leiki á síðasta tímabili og hefur alls spilað 111 leiki fyrir Palace og skorað fimm mörk. Hann hjálpaði liðinu að enda í 10. sæti deildarinnar og vann sér sæti í enska landsliðinu. Palace tapaði ekki í síðustu sjö leikjum síðasta tímabils en tapaði gegn Brentford í opnunarleiknum um síðustu helgi.
Hann er 24 ára og lék alla leiki nema einn með Englandi á EM í sumar. Ef kaupin ganga í gegn verður hann fimmti dýrasti varnarmaður sögunnar (samkvæmt lista GiveMeSport á eftir þeim Virgil van Dijk (71,3 milljónir punda), Matthijs de Ligt, Harry Maguire og Josko Gvardiol (77,6 milljónir punda).
Athugasemdir