„Það er hægt að segja að ég hafi sagt upp störfum, en það er þá einn af þeim fyrstu sem segir upp sjálfboðastarfi, er það ekki?" segir Jón Páll Pálmason við Fótbolta.net í dag. Fjallað var um að hann hefði sagt upp starfi sínu sem þjálfari ÍH fyrr í þessum mánuði.
„Ég sagði bara við þá að ég hefði ekki tíma, það er mikið að gera hjá mér. Við vorum í vandræðum með að manna í lið og að manna á æfingar. Eins og staðan er í dag hjá ÍH þá þarftu að vera á bakinu á mörgum af þessum strákum. Það er svaka góður grunnur af góðum leikmönnum, en þú þarft leggja talsvert á þig til að fá menn til að mæta. Ég hafði ekki tíma í það og kannski ekki alveg nennu."
„Ég sagði bara við þá að ég hefði ekki tíma, það er mikið að gera hjá mér. Við vorum í vandræðum með að manna í lið og að manna á æfingar. Eins og staðan er í dag hjá ÍH þá þarftu að vera á bakinu á mörgum af þessum strákum. Það er svaka góður grunnur af góðum leikmönnum, en þú þarft leggja talsvert á þig til að fá menn til að mæta. Ég hafði ekki tíma í það og kannski ekki alveg nennu."
„Ég hætti bara. En nú er ég að fara upp í Krika og ræða við Davíð Þór og Ejub. Ef að FH-ingar myndu vilja koma meira inn í starfið hjá ÍH, þá yrði ég fyrsti maðurinn til að segja að ég væri til í það."
„Ég var að vona að Binni Gests, sem var nú fyrsti kærasti systur minnar, myndi taka þetta af því að hann myndi koma með kraftinn sem þarf á að halda til að gera þetta almennilega. Ég hef engar áhyggjur af ÍH, þetta er það gott lið og þeir náðu í gott stig í gær."
Af hverju myndi einhver vilja vinna við þetta í sjálfboðastarfi?
„Ég flutti heim til Íslands í febrúar, þá var Davíð Óla hættur og farinn í Val. Það var ládeyða yfir þessu. Mér þykir mjög vænt um ÍH. Ég fór að kenna í grunnskóla og hafði svo mikinn frítíma að ég held ég sé búinn að grilla hamborgara á öllum handbolta og fótboltaleikjum hjá FH frá því að ég kom heim. Ég var spurður hvort ég gæti komið og hjálpað í ÍH og ég sagði bara að sjálfsögðu já."
„Ég hefði alveg haldið áfram ef strákarnir hefðu verið að mæta, en þeir voru ekki áfjáðir í að mæta og þá hafði ég ekki nógu mikið gaman af þessu þannig ég fór að hlaða einhverju öðru á mig," segir Jón Páll sem er farinn af stað með nýtt hlaðvarp, Tveggja Turna Tal, þar sem hann ræðir við reynslubolta úr þjálfaraheiminum.
„Ég þjálfaði suma af þessum strákum á Pollamótinu þegar þeir voru 5-6 ára. Mér þykir vænt um þá og vænt um ÍH. Við áttum gott sumar, komumst í 16-liða úrslit Mjólkurbikarsins og svaka fjör. En ég varð fyrir miklum vonbrigðum að við skyldum ekki ná að vera betri í deildinni," segir Jón Páll.
3. deild karla
Lið | L | U | J | T | Mörk | mun | Stig |
---|---|---|---|---|---|---|---|
1. Kári | 21 | 14 | 5 | 2 | 62 - 22 | +40 | 47 |
2. Víðir | 21 | 13 | 5 | 3 | 53 - 24 | +29 | 44 |
3. Árbær | 21 | 13 | 3 | 5 | 44 - 31 | +13 | 42 |
4. Augnablik | 21 | 12 | 3 | 6 | 45 - 29 | +16 | 39 |
5. Magni | 21 | 8 | 6 | 7 | 27 - 37 | -10 | 30 |
6. ÍH | 21 | 7 | 4 | 10 | 61 - 60 | +1 | 25 |
7. Sindri | 21 | 7 | 3 | 11 | 36 - 42 | -6 | 24 |
8. Hvíti riddarinn | 21 | 7 | 2 | 12 | 38 - 45 | -7 | 23 |
9. Elliði | 21 | 7 | 2 | 12 | 32 - 52 | -20 | 23 |
10. KV | 21 | 7 | 1 | 13 | 34 - 50 | -16 | 22 |
11. KFK | 21 | 7 | 1 | 13 | 36 - 59 | -23 | 22 |
12. Vængir Júpiters | 21 | 5 | 3 | 13 | 36 - 53 | -17 | 18 |
Athugasemdir