Sassuolo 1 - 6 Napoli
1-0 Uros Racic ('17 )
1-1 Amir Rrahmani ('29 )
1-2 Victor Osimhen ('31 )
1-3 Victor Osimhen ('41 )
1-4 Victor Osimhen ('47 )
1-5 Khvicha Kvaratskhelia ('51 )
1-6 Khvicha Kvaratskhelia ('75 )
Victor Osimhen hefur verið sjóðandi heitur eftir að Afríkumótinu lauk en hann skoraði þrennu fyrir Napoli í kvöld þegar liðið valtaði yfir Sassuolo.
Sassuolo komst yfir en Amir Rrahmani jafnaði metin og Osimhen fylgdi því eftir með þremur mörkum í röð. Khivicha Kvaratskhelia lagði upp þriðja mark Osimhen sem þakkaði fyrir sig með því að leggja upp fimmta mark liðsins á Kvaratskhelia.
Hann negldi síðan síðasta naglann í kistu Sassuolo og skoraði sjötta mark Napoli. Napoli hefur verið í vandræðum á þessari leiktíð en liðið hafði aðeins skorað sex mörk í síðustu níu leikjum áður en kom að leiknum í kvöld.
Osimhen hefur nú skorað fimm mörk í síðustu þremur leikjum.