Mohamed Simakan, miðvörður RB Leipzig, er að öllum líkindum á leið til sádí-arabíska félagsins Al-Nassr.
Sky í Þýskalandi greindi frá því fyrr í þessum mánuði að Liverpool hefði áhuga á þessum 24 ára gamla miðverði sem getur einnig leyst stöðu hægri bakvarðar.
Nú er hins vegar talað um að hann sé á leið til Al-Nassr en viðræður milli félagana eru langt á veg komnar. Talið er að hann muni kosta á bilinu 40-50 milljónir evra.
Það er komið að lokadegi félagaskiptagluggans en Liverpool seldi Sepp van den Berg á dögunum til Brentford. Joe Gomez hefur verið orðaður frá félaginu og þá þarf Liverpool að bregðast við því.
Athugasemdir
