Wilfried Zaha er á leið til Lyon á láni frá Galatasaray en hann er á leið í læknisskoðun.
Þessi 31 árs gamli vængmaður var orðaður við Leicester og hans fyrrum félaga í Crystal Palace. Skattaflækjur komu í veg fyrir að hann færi aftur til Englands.
David Ornstein hjá The Athletic greinir frá því að samkomulag milli Galatasaray og Lyon sé í höfn.
Zaha gekk til liðs við Galatasaray á frjálsri sölu síðasta sumar eftir að samningur hans við Palace rann út. Hann hefur fallið niður í goggunarröðinni hjá tyrkneska félaginu en hann lék 43 leiki fyrir félagið og skoraði 10 mörk á síðustu leiktíð en hann var í byrjunarliðinu aðeins í helming leikjanna.
Gluggadagurinn er í dag. Glugganum verður lokað í enska, spænska og ítalska boltanum klukkan 22:00 í kvöld. Þýska glugganum verður lokað klukkan 18 og franska 21.
