| lau 07.okt 2023 12:39 Mynd: Fótbolti.net - Hafliði Breiðfjörð |
|
Úrvalslið ársins í Bestu deildinni 2023
Í útvarpsþættinum Fótbolti.net var opinberað val á liði ársins í Bestu deild karla 2023. Þetta er tólfta árið í röð sem Fótbolti.net velur úrvalslið tímabilsins í efstu deild karla.
Oliver Ekroth hefur verið hrikalega öflugur í vörn Víkings.
Höskuldur er þriðja árið í röð í liðinu.
Hlynur Freyr Karlsson sló í gegn með Val í sumar.
Emil Atlason, sóknarmaður Stjörnunnar.
Ingvar Jónsson - Víkingur
Í úrvalsliðinu 2014, 2021 og nú 2023. Markvörðurinn í langbesta liði tímabilsins og kemur með yfirvegun og ró. Besti markvörður tímabilsins ásamt Árna Snæ Ólafssyni í Stjörnunni sem er á bekknum í úrvalsliðinu.
Höskuldur Gunnlaugsson - Breiðablik
Þriðja árið í röð er Höskuldur hægri bakvörður í liði ársins. Fyrirliðinn í Kópavoginum stóð fyrir sínu þó tímabil liðsins hafi verið köflótt. Hann er fulltrúi Blika í liði ársins.
Gunnar Vatnhamar - Víkingur
Færeyski landsliðsmaðurinn var sóttur rétt fyrir tímabil og hefur átt hreint út sagt magnað sumar. Klettharður leikmaður sem smellpassar í leikstíl Víkings, öflugt vopn í föstum leikatriðum og hefur skilað sínum mörkum.
Oliver Ekroth - Víkingur
Sænski miðvörðurinn steig vart feilspor á þessu tvöfalda meistaratímabili Víkings og gerði tilkall til að vera leikmaður ársins. Samningur hans er að renna út og Víkingar hljóta að vera að reyna allt til að fá hann til að framlengja.
Logi Tómasson - Víkingur
Logi er annað árið í röð í liði ársins. Kláraði ekki tímabilið því hann var keyptur til Strömsgodset í Noregi. Leikmaður sem bankar fast á landsliðsdyrnar ef þessi þróun heldur áfram. Fókus.
Hlynur Freyr Karlsson - Valur
Þessi nítján ára leikmaður sló rækilega í gegn með Valsmönnum í sumar. Sýndi mikla fjölhæfni og leysti sín hlutverk frábærlega, bæði í vörn og á miðju.
Pablo Punyed - Víkingur
Gríðarlega mikilvægur hlekkur í meistaraliði Víkings. Algjör sigurvegari og mikill keppnismaður. Var einnig í liði ársins þegar Víkingur varð Íslandsmeistari 2021.
Aron Jóhannsson - Valur
Skoraði á dögunum mark sem mögulega er mark tímabilsins. Getur framkvæmt hluti sem fáir í deildinni geta gert. Löðrandi í gæðum og fær fólk til að taka andköf í stúkunni.
Birnir Snær Ingason - Víkingur
Birnir hefur verið gjörsamlega geggjaður með Víkingi. Hefur fundið stöðugleikann og blómstrað, skapað og skorað og það hefur verið algjör martröð fyrir varnarmenn að glíma við hann.
Eggert Aron Guðmundsson - Stjarnan
Það hefur verið hrein unun að fylgjast með Eggerti og hann tók aðalhlutverkið í Garðabænum að sér þegar Ísak Andri Sigurgeirsson fór út. Frábær með U19 liðinu á EM.
Emil Atlason - Stjarnan
Er markahæstur í Bestu deildinni með sautján mörk. Hefur komið ótrúlega öflugur eftir erfið meiðsli og raðað inn mörkunum. Fann gleðina aftur í fótboltanum og hefur verið framúrskarandi í fremstu víglínu.
Varamannabekkur:
Árni Snær Ólafsson - Stjarnan
Kristinn Jónsson - KR
Aron Elís Þrándarson - Víkingur
Matthías Vilhjálmsson - Víkingur
Hallgrímur Mar Steingrímsson - KA
Davíð Snær Jóhannsson - FH
Tryggvi Hrafn Haraldsson - Valur
Sjá einnig:
Lið ársins 2022
Lið ársins 2021
Lið ársins 2020
Lið ársins 2019
Lið ársins 2018
Lið ársins 2017
Lið ársins 2016
Lið ársins 2015
Lið ársins 2014
Lið ársins 2013
Lið ársins 2012
Lið ársins 2011
