Valur 5 - 1 HK
1-0 Gylfi Þór Sigurðsson ('12 , víti)
1-1 Atli Þór Jónasson ('37 )
2-1 Jónatan Ingi Jónsson ('45 )
3-1 Jónatan Ingi Jónsson ('52 )
4-1 Gylfi Þór Sigurðsson ('55 )
5-1 Jónatan Ingi Jónsson ('75 )
Rautt spjald: Ívar Örn Jónsson , HK ('11)Lestu um leikinn
Gylfi Þór Sigurðsson og Jónatan Ingi Jónsson voru í ham þegar Valur vann öruggan sigur á HK í kvöld.
HK lenti í vandræðum snemma leiks þegar Ívar Örn Jónsson fékk að líta rauða spjaldið fyrir að rífa Jónatan niður inn í teig og vítaspyrna dæmd. Gylfi skoraði úr henni af miklu öryggi.
Atli Þór Jónasson jafnaði metin eftir slæm mistök í vörn Vals.
Jónatan Ingi náði forystunni aftur fyrir Val áður en flautað var til leiksloka. Hann skoraði síðan sitt annað mark snemma í síðari hálfleik og Gylfi gerði út um leikinn stuttu síðar.
Jónatan skoraði svo sitt þriðja mark þegar hann fylgdi eftir skoti Gylfa og innsiglaði öruggan sigur Vals.
Stjarnan 2 - 2 Breiðablik
1-0 Emil Atlason ('39 , víti)
1-1 Viktor Karl Einarsson ('55 )
1-2 Ísak Snær Þorvaldsson ('78 )
2-2 Haukur Örn Brink ('85 )Lestu um leikinn
Stjarnan og Breiðablik skildu jöfn í hörku leik í Garðabæ í kvöld. Emil Atlason kom heimamönnum yfir með marki úr vítaspyrnu sem var dæmd þar sem Davíð Ingvarsson fékk boltann í höndina.
Viktor Karl Einarsson jafnaði metin fyrir Blika en Stjörnumenn voru allt annað en sáttir. Þeir vildu fá brot og rautt spjald á Viktor Örn Margeirsson fyrir brot á Örvari Eggertsyni rétt áður en Viktor Karl skoraði.
Davíð lagði svo upp sitt annað mark í kvöld þegar Ísak Snær Þorvaldsson skoraði og kom Blikum yfir. Markaveislunni var hins vegar ekki lokið þar sem Haukur Örn Brink jafnaði metin.
Gestirnir sóttu hart að marki Stjörnunnar í uppbótatímanum en tókst ekki að finna sigurmarkið.
| Lið | L | U | J | T | Mörk | mun | Stig |
|---|---|---|---|---|---|---|---|
| 1. Víkingur R. | 22 | 15 | 4 | 3 | 56 - 23 | +33 | 49 |
| 2. Breiðablik | 22 | 15 | 4 | 3 | 53 - 28 | +25 | 49 |
| 3. Valur | 22 | 11 | 5 | 6 | 53 - 33 | +20 | 38 |
| 4. ÍA | 22 | 10 | 4 | 8 | 41 - 31 | +10 | 34 |
| 5. Stjarnan | 22 | 10 | 4 | 8 | 40 - 35 | +5 | 34 |
| 6. FH | 22 | 9 | 6 | 7 | 39 - 38 | +1 | 33 |
| 7. Fram | 22 | 7 | 6 | 9 | 31 - 32 | -1 | 27 |
| 8. KA | 22 | 7 | 6 | 9 | 32 - 38 | -6 | 27 |
| 9. KR | 22 | 5 | 6 | 11 | 35 - 46 | -11 | 21 |
| 10. HK | 22 | 6 | 2 | 14 | 26 - 56 | -30 | 20 |
| 11. Vestri | 22 | 4 | 6 | 12 | 22 - 43 | -21 | 18 |
| 12. Fylkir | 22 | 4 | 5 | 13 | 26 - 51 | -25 | 17 |
