Ítalski blaðamaðurinn Fabrizio Romano greinir frá því að enska félagið Aston Villa reyndi að fá kanadíska sóknarmanninn Jonathan David frá Lille í sumar.
Villa átt í beinum samskiptum við Lille vegna hins 24 ára gamla David, en ekki náðist samkomulag um kaupverð.
Sóknarmaðurinn verður samningslaus á næsta ári en Villa er ekki eina félagið sem er að skoða hann. Leikmaðurinn hefur sjálfur staðfest að hann sé í viðræðum við Lille um nýjan samning, en ef þær viðræður ganga ekki upp mun franska félagið líklegast reyna að losa sig við hann í janúar.
Samkvæmt Sky hafa Chelsea, Manchester United, Tottenham Hotspur og West Ham United einnig áhuga.
David hefur skorað 87 mörk og gefið 20 stoðsendingar í 190 leikjum sínum með Lille.
Athugasemdir
