Það er nóg um að vera í evrópsku Þjóðadeildinni í kvöld þar sem átta leikir eru á dagskrá.
Að undanskildum leik Íslands á útivelli gegn Tyrklandi eru sjö aðrar viðureignir á dagskrá, þar af eru nokkrar gífurlega spennandi.
Í A-deildinni á Frakkland heimaleik við Belgíu. Þar mætast tvær af stærstu fótboltaþjóðum Evrópu í spennandi nágrannaslag.
Ítalía spilar þá við Ísrael á hlutlausum velli vegna stríðsástandsins þar í landi, en Ítalir fóru af stað með fræknum sigri gegn Frakklandi í fyrstu umferð á meðan Ísrael tapaði fyrir Belgíu.
Í B-deildinni eiga Erling Haaland, Martin Ödegaard og félagar í norska landsliðinu erfiðan heimaleik við Austurríki á meðan Slóvenía spilar við Kasakstan.
Svartfjallaland og Wales mætast að lokum í íslenska riðlinum og svo eru tveir leikir á dagskrá í C-deildinni.
Þjóðadeildin A
18:45 Frakkland - Belgía
18:45 Ísrael - Ítalía
Þjóðadeildin B
18:45 Noregur - Austurríki
18:45 Slóvenía - Kasakstan
18:45 Svartfjallaland - Wales
18:45 Tyrkland - Ísland
Þjóðadeildin C
16:00 Kýpur - Kósovó
18:45 Rúmenía - Litháen
Athugasemdir
